Abre ao tráfico a AC-303, á altura de Olveira, tras repararse os danos causados polo temporal

20 Xaneiro 2020

A conselleira de Infraestruturas e Mobilidade, Ethel Vázquez, supervisou hoxe as actuacións levadas a cabo durante a fin de semana por parte dos equipos de conservación da Axencia Galega de Infraestruturas na AC-303, á altura da parroquia ribeirense de Olveira, despois de que nesta estrada se producise unha fenda como consecuencia do temporal que atizou Galicia no transcurso da xornada do pasado xoves. De feito, as intensas chuvias destruíron a obra de drenaxe transversal desta vía e eliminaron o recheo que soportaba a mesma, producíndose o referido buraco no punto quilométrico 4+400.

Para solucionar esta afección na vía autonómica, foi preciso pechar o tráfico para que os equipos de conservación ordinaria da Xunta procederan de inmediato a executar as obras de reparación. Neste senso, a Axencia Galega de Infraestruturas traballou de xeito intenso na fin de semana para retirar a antiga taxea, instalar a canalización e acometer a cobertura con formigón.

Unha vez realizados estes traballos e aberta hoxe a circulación, nos próximos días, as actuacións continuarán ao carón da estrada para evitar novas filtracións, pero non serán necesarios cortes de tráfico.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...