A rapazada de Aguiño meterase na pel dun inspector urbanístico

02 Xaneiro 2020

O CEIP Heroínas de Sálvora de Aguiño (Ribeira) atópase entre os centros educativos que van participar esta tempada no proxecto educativo autonómico Eu son inspect@r urbanístic@, impulsado pola Consellería de Medio Ambiente e o Colexio Oficial de Arquitectos de Galicia co obxectivo de fomentar entre a rapazada, “de maneira lúdica e educativa”, o coñecemento do seu propio territorio e as metodoloxías máis axeitadas para coidalo en materia de crecemento urbano e rural.

Tamén se lles mostrará como velar pola paisaxe e como poñer en práctica medidas para asegurar o desenvolvemento económico ao tempo que se aposta pola sustentabilidade. Trátase da primeira edición do proxecto. Nel participan 30 centros de toda Galicia.

A actividade para Educación Infantil consistirá nunha aprendizaxe a través do xogo e do teatro, polo que se levará a cabo unha representación teatral sobre o amor á natureza, a intervención no territorio e o modelo urbanístico ideal. A encargada disto será a compañía teatral Trinke Trinke, que vai pór en escena unha obra protagonizada por uns ratiños que viven en Lonxedetodo, un lugar idílico, que, preocupado por unha intervención inadecuada na súa contorna, contactarán cos inspectores urbanísticos da APLU para que lles axuden.

Para os rapaces de Primaria, traballarase con eles nas aulas, fomentando a aprendizaxe a través do xogo e amosándolles o traballo que fai a Xunta a través da APLU no territorio. En Secundaria vaise abordar unha aprendizaxe lúdico-educativa para fomentar entre o alumnado o coñecemento da súa contorna, a evolución histórica da mesma e dos axentes e dos factores que regulan o uso do solo.

Outros artigos

Falece unha ribeirense de 50 anos atopada no chan da súa casa

Unha muller de 50 anos, cuxa identidade responde as iniciais T.M.M., faleceu esta noite na súa casa da céntrica Rúa Méndez Núñez, de Ribeira. Segundo informa o Diario de Arousa , foi a súa parella a que ao redor das oito do serán chamou o 112 para comunicar que non...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...