A Policía Local de Rianxo interceptou a unha persoa con diñeiro e xoias roubadas

Facebook Policía Local de Rianxo

Durante a realización dun control preventivo de alcohol e drogas no lugar do Pazo (Rianxo) na mañá do sábado 4, a Policía Local interceptou un vehículo no que viaxaba unha persoa, observando que no seu interior había diversos efectos de dubidosa procedencia, entre eles, unha carteira con documentación, diñeiro e xoias. Unha vez realizadas as xestións oportunas, puideron localizar á propietaria, quen manifestou que lle fora subtraída en Boiro no transcurso desa mesma mañá.

Deste xeito, recuperouse unha cantidade de diñeiro duns 110 euros en metálico e xoias por un valor aproximado duns 600 euros. Ademais, á vítima retiráronlle 300 euros dun caixeiro empregado unha das tarxetas bancarias furtadas.

Os axentes instruíron dilixencias penais por un delito de furto e a presunta autora dos feitos foi citada para un xuízo rápido en calidade de investigada, constándolle antecedentes por delitos contra a propiedade.