A exposición A Riveira pola Ribeira Sacra desembarca no Consistorio ribeirense

08 Xaneiro 2020

Desde hoxe e ata o 14 de febreiro, as paredes da ribeirense Casa do Concello exhibenun total de 24 obras inspiradas nos viños da Ribeira Sacra. Nomeada A Riveira pola Ribeira Sacra,trátase dunha mostra elaborada polo binomio creativo Arte Guiglo, constituído polo manchego Guille de la Paz e a padronesa Gloria López, ambos afincados en Boiro.

Á inauguración asistiron, entre outros, o creador Guille de la Paz; o comisario Pastor Rodríguez; o alcalde Manuel Ruiz; a concelleira Ana Ruiz; o voceiro do grupo municipal do BNG, Xosé Vázquez Cobas; o portavoz do grupo municipal do PSdeG-PSOE, José Manuel Vilas; e Eugenia Gómez, de O Faiado Tenda-Galería.

Pastor Rodríguez destacou que se trata dunha exposición de “gran tamaño, gran volume e gran consistencia non só visual, senón tamén espesa como o bo viño do Ribeiro e da Ribeira Sacra.” Tamén sinalou que esta colección procede de ser exhibida en Santiago de Compostela, continuando o seu itinerario por diversas cidades.

A técnica empregada é o óleo sobre distintos soportes coma papel, tea, lenzo e madeira. Guille de la Paz manifestou que esta mostra deriva dun proxecto cuxa xénese se remonta ao 2017, ano no que iniciaron un traballo de investigación e documentación sobre o viño, algo que entenden como “todo un mundo.” No que respecta a emprender o proceso de creación, apuntou que pintaron as obras “con viño probado en boca” co obxectivo de reflectir as sensacións que lles producían os diferentes caldos. Así mesmo, cualificou a mostra como “ecléctica e diversa” tanto nos seus estilos coma nas sensacións, gustos, aromas, cores e praceres a que induce o viño.

Pola súa parte, o rexedor Manuel Ruiz felicitou a Arte Guiglo polo seu traballo e convidou á veciñanza a visitar esta colección. Ademais, expresou que “hai diferentes estilos, diferentes gustos e seguramente calquera que veña vai encontrar algunha das obras coas que se vai identificar, se non é con todas.”

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...