A deseñadora local Mónica Vigo puxo o peche ao Mentoring Creativo de Boiro

17 Xaneiro 2020

O Concello de Boiro, a través da Concellaría de Cultura, organizou esta tempada unha actividade para estimular a longa e variada listaxe de capacidades que as rapazas e rapaces do termo municipal atesouran. Froito deste compromiso xurdiu o programa Mentoring Creativo, que vén de chegar este venres 17 ao seu remate, na Casa da Cultura de Boiro.

A filosofía aplicada no ciclo foi a de xuntar ás/aos estudantes de Boiro con profesionais, creadoras ou emprendedoras locais que sexan referentes nos seus sectores de actividade. Esta foi a filosofía, tamén, da actividade deste venres, que contou coa presenza da deseñadora local Mónica Vigo achegando detalles sobre os seus proxectos.

Segundo informou o Concello, o programa Mentoring Creativo (co-financiado pola Dirección Xeral de Xuventude) resultou ser un rotundo éxito nos tres IES do municipio, “xa que tivo moita aceptación entre o alumnado”. Ademais, explicou a organización das sesións, “a raíz destas xornadas descubriuse tamén que hai moito talento por descubrir entre a mocidade de Boiro”.

A idea agora é seguir traballando en programas “coma estes ou semellantes”, apuntou o Goberno local con motivo do peche do programa, engadindo que se traballará para que estas novas iniciativas tamén “poidan mostrar as ideas ou proxectos que a mocidade ten en mente”.

Nesta última sesión co alumnado do IES A Cachada, a deseñadora boirense Mónica Vigo, profesional referente no ámbito da moda feminina e a alta costura, quixo facer fincapé na importancia do traballo e do esforzo que calquera proxecto ten detrás e “tamén do necesario que é coidar os pequenos detalles”.

O tenente de alcalde, Luís Ruiz, acudiu á clausura deste programa e convidou á mocidade presente a que contribúa coas súas ideas e a que faga saber os seus intereses á hora de seguir apostando por actividades e programas coma o que chegou hoxe ao seu remate.

Estimulando o talento local

Entre as profesionais que nestes encontros mostraron as súas experiencias e achegaron pautas para as rapazas e rapaces con interese en internarse no camiño da innovación atopouse a creadora Alba Carreño, que ilustrou aos estudantes sobre o seu labor en Mobalco, a firma pobrense centrada na fabricación de mobiliario de cociñas de deseño. Logo da cita con Alba Carreño, que abriu as actividades da edición rematada (2019-2020), veu unha xuntanza enriquecedora con Sara Ollero, que falou á rapazada de Boiro sobre o proxecto DariaLuv.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...