A cuarta edición do circuíto 4 carreiras, 1 meta de Arousa Norte culmina coa entrega de premios

10 Xaneiro 2020

O Auditorio municipal de Ribeira será escenario hoxe, venres 10, ás 20.30 horas, da entrega de premios ás persoas gañadoras na cuarta edición do circuíto 4 carreiras, 1 meta impulsado pola Mancomunidade de Municipios Arousa Norte. No acto, que estará conducido polo xornalista deportivo Terio Carrera e a humorista Isabel Risco, entregaranse premios nas distintas modalidades das probas celebradas en Ribeira, A Pobra do Caramiñal, Boiro e Rianxo.

As distincións a outorgar son ás categorías Absoluta, Sub-10, Sub-12, Sub-14, Sub-16, Sub-18, Sub-20, Sub-23, Sénior, grupos Master femininas e masculinas, clubs federados e asociacións. Así mesmo, haberá galardón para ‘Sapatilla inclusiva’, unha modalidade única absoluta para persoas con diversidade funcional.

O Circuíto de Carreiras Populares Arousa Norte está concibido conforme a tres obxectivos fundamentais: fomentar a práctica da actividade física como medio para acadar unha vida máis saudable; conectar as carreiras populares co turismo deportivo, cada vez máis en alza; e artellar as catro probas populares de Barbanza nun circuíto máis amplo, que as conecte co sentir comarcal que promove Arousa Norte.

Este circuíto conta co control técnico da Federación Galega de Atletismo e estivo organizado conxuntamente polos Concellos de Ribeira, A Pobra do Caramiñal, Boiro e Rianxo, os cales integran a Mancomunidade.

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión