A Asociación Boirense de Empresarios xa ten gañador do Sueldazo ABE, unha iniciativa enmarcada na campaña de Nadal e consistente nun soldo de 300 euros durante seis meses. O número agraciado é o 44.496 (boleto entregado en Paquetería Josefina). Ademais, hai catro suplentes para garantir a entrega do premio: 54.847 (en Deportes Sr. Balón), 34.580 (en Lolita Moda), 28.840 (en P. Josefina) e 11.168 (en Davisan). O posuidor da rifa gañadora e os suplentes dispoñen ata as 12.00 horas do 21 de xaneiro para reclamar o premio.
O sorteo realizouse entre os clientes de ao redor dos 40 establecementos participantes que realizaron as súas compras entre o 13 de decembro e o 5 de xaneiro.
