Antón Blanco Casás é o gañador da XXXII edición do Premio de Poesía Eusebio Lorenzo Baleirón que convoca o Concello de Dodro. Así o decidiu
por unanimidade o xurado, reunido esta mañá na Casa de Cultura, tras
valorar “a construción e a sintaxe e xunto cunha escolla léxica moi
coidada. Voz do arqueiro posúe unha arquitectura interna coherente”.
O gañador, que se presentou ao certame cun poemario titulado Voz do
arqueiro reside en Barcelona e ten obra literaria publicada A oseira
(Chan da Polvora, 2016) e Tres estudos para un poema da cidade (Galaxia,
2018), como gañador do Premio de Poesía Eusebio Lorenzo Baleirón
recibirá 2.300 euros e a edición da obra.
Coordinado nesta edición por Xabier Castro Martínez, director do Centro
PEN Galicia, o xurado estivo composto: Alicia Fernández Rodríguez,
Estevo Creus Andrade, Elvira Riveiro Tobío, Xabier Xil Xardón, presidido
Ramón Abuín Gómez , tenente de alcalde do Concello de Dodro e actuando
como secretario Xoán Xosé Vicente Franco, concelleiro de Cultura e
Patrimonio.
Previo ao fallo, os membros do xurado, acompañados polo alcalde de
Dodro, Xabier Castro, Manuel Lorenzo Baleirón, irmán de Eusebio e os
poetas Paulino Vázquez, Anxo Angueira, David Pérez Iglesias rendiron un
tributo poético cos poemas de Alba Cid e Hilde Domin ademáis dunha
ofrenda floral no cemiterio de San Xián de Laíño, onde repousan os
restos de Eusebio Lorenzo Baleirón.
Dodro durante a ofrenda floral no cemiterio de San Xián de Laíño o poeta
