Dúas actividades converterán a literatura en gran protagonista durante a xornada do xoves 19 no municipio boirense. A primeira das citas celebrarase na Biblioteca municipal, ás 18.30 horas, consistindo nunha xuntanza do club de lectura cun encontro co escritor Héctor Cajaraville, autor de Once portas, unha novela a cabalo entre o histórico e o fantástico, unha viaxe a través dos episodios sobranceiros da historia compostelá e unha homenaxe á cidade de Santiago a través dos seus símbolos máis universais.
Por outra banda, o Centro Social de Boiro será escenario, ás 19.30 horas, da presentación do libro Nunca sabes a dónde te lleva la vida, de Michael Künstler. Trátase dunha autobiografía que narra a historia dunha persoa que logrou saír dunha adicción.
