A Asociación Cultural Barbantia dou a coñecer ós premiados cos sereos 2019. Serán o pintor palmeirán, Xoán Fernández, no apartado de Traxectoria Cultural no Barbanza; a sala de concertos de Boiro, A Pousada da Galiza Imaxinaria, que recibirá o premio pola Iniciativa Cultural no Barbanza; e a xornalista, poeta e académica galega, a noiesa Ana Romaní, no eido da Cultura Galega.
Os tres galardoados recollerán o recoñecento nun acto que se celebrará o vindeiro sábado, 14 , na Casa da Cultura Ramón Martínez López, en Boiro.
A gala na que se entregarán os galardóns comezará ás doce e media da mañá e será presentada por Esther Carrodeguas. Contará tamén coa actuación de membros da Banda de Música Municipal de Boiro.
O acto acudirán o director xeral de Políticas Culturais da Xunta de Galicia, Anxo Lorenzo Suárez; o secretario de Políticas Culturais, Valentín García Gómez; a presidenta do Consello dá Cultura Galega, Rosario Álvarez; un representante da Deputación Provincial da Coruña e os alcaldes dos concellos do Barbanza.
