Todo listo para a apertura da Carpa de Nadal de Rianxo

23 Decembro 2019

O Nadal en Rianxo inclúe este ano unha completa axenda de citas a ter en conta e subliñar para no non esquecer. Así nolo recorda o Concello, que vén de facer un paso polas principais actividades culturais, festivas e de lecer que se están a organizar estes días na vila e na súa contorna, da man da Área de Cultura do Consistorio. Entre estas actividades sitúase, entre os días 24 e 31 de decembro, a Carpa de Nadal que organiza o Concello, en horario de 11.30 a 13.30 horas (días 24 e 31) e de 11.30 a 13.30 e 17.00 a 20.00 (días 26, 27, 28 e 30), dando acubillo a obradoiros, música, maxia, actividades multimedia, xogos en familia ou contacontos.

Por exemplo obradoiros para facer figuras de Papá Noel articuladas e brochetas de chuches (este martes pola mañá), contacontos de Nadal e unha visita de Papá Noel (este martes ao mediodía), obradoiros de adobíos e maquillaxe, actuacións de maxia (este xoves pola mañá e pola tarde), talleres de postais e reciclaxe de CD e máis contacontos (este venres), actividades con chapas e pulseiras de adobíos e un <em>body jump</em> infantil (este sábado 28) ou obradoiros con quebracabezas e chaveiros (este luns 30).

O Concello de Rianxo tamén recorda que co fin de seguir achegando un algo de formación e diversión á rapazada neste tempo de festividade, a Área de Comercio organiza a partir do 23 de decembro (até o 4 de xaneiro) na Ludoteca Agarimo o programa LudoNadal Merca-Concilia.

O programa complétase o 28 de decembro co Concerto de Fin de Ano, a partir das 19.00 horas, na sala Arcos Moldes do Auditorio, a cargo da Asociación Escola de Música de Rianxo e coa Festa de Fin de Ano que organiza a Asociación Rock in Rian na praza de Castelao, o día 31 e na madrugada do aninovo.

Outros artigos

Publicidade

Revista en papel

Opinión