O pobrense Elma albergará ás 18.30 horas deste xoves 26 a posta en escena de Rubicundo, a cargo de Teatro Ghazafelhos. Baseada no libro homónimo de María Canosa, esta peza teatral preséntanos a un personaxe que sae na súa bicicleta enriba da árbore do seu xardín rumbo á noite pechada. Semella que ninguén repara nesta figura enfundada nun gabán e sombreiro de copa, agás Erea, quen está disposta a chegar ata a fin daquel misterio. Unha historia sobre a amizade, a constancia e a poesía, abrindo a posibilidade de perseguir os soños sen sentir fronteiras.
A entrada é libre e ata completar aforo. A actividade está organizada pola Concellería de Cultura da Pobra do Caramiñal en colaboración coa Rede Cultural da Deputación da Coruña.