Suspendidos os encontros deportivos e aprazadas actividades polo temporal

21 Decembro 2019

A Real Federación Galega de Fútbol decidiu suspender todos os partidos programados para este sábado debido ás condicións meteorolóxicas que se esperan.

A entidade anunciou a súa decisión a través dunha mensaxe publicada na tarde deste venres na conta oficial da RFGF. Deste xeito, ante as previsións meteorolóxicas, todos os partidos de fútbol programados en Galicia quedaron suspendidos.

Por outra banda, a Secretaría Xeral para o Deporte recomendou a suspensión a partir do sábado de todas as actividades deportivas ao aire libre en toda Galicia, especialmente no noroeste da Coruña e na Mariña lucense.

A Dirección Xeral de Emerxencias da Xunta alerta dun temporal costeiro de nivel vermello que afectará a todo o litoral galego a partir deste sábado. Tamén estará activa a alerta vermella por ventos no noroeste da Coruña e na Mariña lucense, a partir de primeiras horas da tarde. Ademais, desde as 6,00 horas actívase alerta laranxa en toda a comunidade por ventos do suroeste que poden alcanzar refachos de 100 km/h.

A maiores, a partir das 15,00 horas prevese a alerta vermella por vento no noroeste da Coruña e na Mariña, onde os refachos poderán chegar a 140 quilómetros por hora.

En Ribeira por mor das malas previsións meteorolóxicas o concerto de ALIAXE previsto para hoxe sábado ás 13 horas no Malecón dentro do programa Rúas Musicais trasládase para o domingo 29, tamén ás 13 horas no Malecón.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...