Solicitan nove anos de cárcere para un home acusado de atropelar intencionadamente ao seu ex-cuñado

13 Decembro 2019

A Fiscalía demanda nove anos de cárcere para un home por, presuntamente, atropelar de maneira intencionada ao seu ex-cuñado en agosto de 2012.

Segundo o escrito da acusación, o procesado A.S.A. circulaba cun vehículo Ford Ranger sobre as 21.00 horas polo lugar de Triñáns, en Boiro, cando, “actuando co propósito de atentar contra a vida do seu ex cuñado”, R.D.R., atropelouno “intencionadamente” cando este ía andando pola cuneta da estrada comarcal (sen beirarrúas nin beiravías) no seu propósito de recadar cartos para as festas de Abanqueiro. A Fiscalía sostén que o procesado pasou á súa altura e mirouno fixamente, continuando a marcha, regresando aos 10 minutos, “xirando bruscamente o volante ao lado no que se atopaba a vítima.” O impacto produciuse a unha velocidade de entre 40 e 50 quilómetros/hora, alcanzándoo de cheo no costado esquerdo. Así mesmo, no texto precísase que o condutor do turismo detívose a dez metros, sen apearse, e, unha vez comprobado que o seu ex-cuñado permanecía no chan, quieto e ensanguentado, continuou o sentido da súa marcha.

Como resultado do impacto, a vítima sufriu policontusións, fractura de ósos propios, fractura de fémur e enfermidade parenquimatosa en ambos lóbulos inferiores esquerdos en relación con proceso infeccioso-broncoaspiración, contusión pulmonar e ictus, recibindo tratamento médico continuado e tratamento cirúrxico con 429 días de curación, dos cales 365 foron impeditivos para a súa ocupación habitual, 42 días non impeditivos e 22 de hospitalización. Ademais, a consecuencia do atropelo quedáronlle numerosas secuelas.

Para a Fiscalía, os feitos descritos son constitutivos dun delito de homicidio en grao de tentativa, polo que, ademais dos mencionados anos de prisión, solicita para o procesado A.S.A. costas e o pago dunha indemnización de 88.820 euros á vítima polas lesións e secuelas sufridas.

O xuízo comezará o próximo mércores na sección sexta da Audiencia Provincial, con sede en Santiago.

Outros artigos

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....