Os ministros de Pesca da Unión Europea proseguían na tarde de hoxe as reunións para fixar as súas liñas vermellas e tratar á vez de achegar hoxe posicións con vistas a un acordo sobre as cotas pesqueiras para 2020. As reunións eran a tres bandas e tamén en bilaterais entre os estados membros. España reuniuse con Francia, Bélxica e Portugal. Finlandia, que preside este semestre o Consello da UE, presentou hoxe unha proposta de compromiso que recollía algunhas das peticións expostas polas delegacións.
