Ribeira conmemora o Día Internacional das Persoas con Diversidade Funcional con numerosas propostas

02 Decembro 2019

O Concello de Ribeira conmemorará mañá o Día Internacional das Persoas con Diversidade Funcional cun programa de actos que inclúe diversas accións coma zumba, unha exposición, teatro e a lectura dun manifesto institucional.

O programa arrancará ás 11.30 horas na praza do Concello -en caso de chuvia, na carpa de usos múltiples- coa lectura dun manifesto institucional e, a continuación, unha masterclass de zumba impartida pola Concellería de Deportes coa participación de 60 alumnos da Asociación AMBAR e 12 de A Creba.

Ademais, ás 13.00 horas inaugurarase na Casa Consistorial unha exposición de traballos realizados por alumnos da Asociación AMBAR titulada Con xeito. Diversidade na arte, a cal estará dispoñible do 3 ao 13 de decembro.

Por último, o Auditorio municipal será escenario, ás 18.00 horas, da iniciativa Teatro pola Diversidade, contando coa participación dos grupos dramáticos de Amicos, coa función Lío de perros, gatos y ratones, e da Asociación AMBAR, con Martín e Os Biosbardos.

Outros artigos

A Deputación da Coruña apoia o labor de Misela, Renacer e ADISBISMUR

O presidente provincial, Valentín González Formoso, nunha visita á sede de Misela, en Noia A Deputación da Coruña publicou no BOP deste luns 26 de febreiro a concesión provisional das subvencións dirixidas a entidades sen fins de lucro para o mantemento de programas e...

+

Publicidade

Revista en papel

Opinión

“Inseguridade social” – José Manuel Pena

“Inseguridade social” – José Manuel Pena

A Fundación Europea para a Mellora das Condicións de Vida e de Traballo da UE (Eurofound) sinala que “os sentimentos de inseguridade en varios aspectos da vida da poboación europea están estendidos, mesmo entre as persoas que están materialmente acomodadas. Os...