O 5 de decembro conmemórase o Día Internacional dos Voluntarios e, con tal motivo, axentes de doce entidades de carácter social serán recoñecidas no salón de plenos da Casa Consistorial de Ribeira, nun acto que arrancará ás 12.00 horas.
Promovido polo Concello ribeirense, as doce entidades distinguidas son Agrupación de Voluntarios de Protección Civil de Ribeira, Departamento de Servizos Sociais Comunitarios, Cáritas, Asociación Española Contra o Cancro, AMBAR, Amicos, AGADEA, A Creba, Dignidad Ribeira, Renovación e Renacer.
No transcurso do evento será recoñecido un voluntario por parte destas entidades, ademais de proceder á lectura dun manifesto institucional.
Así mesmo, o Centro Cultural Lustres Rivas acollerá, de 17.00 a 19.00 horas, o obradoiro vivencial Acércate á túa risa (risoterapia) dirixido a persoas que exercen de voluntarias nalgunha entidade do municipio. O número de prazas establécese en 25, formalizando as inscricións de balde nos Servizos Sociais, con teléfono de contacto 981874131 e enderezo electrónico servizossociais@riveira.com.
