A Carpa dos Soños situada na praza do Concello de Boiro albergará o xoves 2, ás 19.15 horas, un espectáculo de clown e circo baixo o título Superharte. Destinado a público infantil e familiar, Patty Diphusa transmitiralle aos espectadores un pouco de arte e moito amor, pois segundo ela mesma afirma “aos artistas respéctaselles, pero aos pallasos ámasenos.” Armada cun humor moi pícaro e moitas ganas de pasalo ben intentará, literalmente, chegar ao máis alto, utilizando para tal fin tódalas habilidades ao seu alcance: bailando, trepando, inchando globos e, incluso, meténdose dentro deles.
