O municipio de Boiro dará cabida ás 19.00 horas de hoxe, luns 23, á inauguración da Carpa dos Soños, situada na praza do Concello. Este espazo permanecerá durante o Nadal e albergará boa parte das citas enmarcadas na programación realizada con motivo destas datas.
Pouco despois, ás 19.15 horas, estrearase cun concerto de pop electrónico no que un particular Capitán Garfo ensinará de maneira sinxela e motivadora uns bos hábitos alimentarios, a importancia dun almorzo saudable e facerse amigos de verduras e ensaladas.
Ademais, o martes 24, ás 17.00 horas, Papá Noel achegarase ata a referida carpa, onde recollerá as peticións de última hora e saudará aos cativos.
