Os músicos Phil Pierick e Neus Estarellas, profesores convidados na Aula Galega de Saxofón de Ribeira

12 Decembro 2019

Esta fin de semana recalará no Conservatorio Municipal de Ribeira ‘Enrique Paisal’ un novo encontro da Aula Galega de Saxofón que reúne mensualmente no municipio a dezaseis alumnos e alumnas procedente de centros de toda a comunidade autónoma.

Nesta ocasión, ademais de co titor Rodrigo Vila, a iniciativa contará coa participación de dous profesores convidados: o saxofonista estadounidense Phil Pierick, afincado en Chicago e con múltiples galardóns no seu currículo (gañador do Concurso Internacional de Saxofón Jean-Marie Londeix e do Concurso Internacional de Saxofón ISSAC e tres veces vencedor nos Concursos Nacionais de Novos Artistas e de Música de Cámara MTNA, entre outras distincións); e da pianista mallorquina Neus Estarellas, tamén galardoada en numerosos certames coma o Karlsruher Wettbewerb für Zeitgenössische Musik,  Premi Primer Palau Barcelona, Premi de Música de Manresa, Arjau, Art Jove, Concurs Rotary Club Palma de Mallorca, etcétera.

Ademais, os dezaseis alumnos da Aula, acompañados de Neus Estarellas, ofrecerán tres audicións que terán lugar o venres, ás 21.00 horas, o sábado, ás 19.00 horas, e o domingo, ás 13.15 horas. Cada unha das audicións rematará coa actuación dos tres profesores. A entrada é libre e gratuíta.

Outros artigos

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...