O alumnado do Obradoiro de Emprego Hostalería Boiro III, que realiza o Concello e promovido polo Fondo Social Europeo e a Xunta de Galicia, estivo esta mañá servindo cafés, chocolates e doces típicos do Nadal no local multiusos do mercado municipal a toda a veciñanza que quixo achegarse. Así, os participantes nesta acción formativa repartiron desde as 11.00 horas máis de 100 racións de rosca, turróns, biscoitos, cafés e chocolates.
O Obradoiro de Emprego Hostalería Boiro III impártese no viveiro de empresas da localidade e consta dunha formación dual para os 18 alumnos que participan, a cal se divide nas modalidades de Operacións Básicas de Cociña e Operacións Básicas de Restaurante Bar.
