Para celebrar o Nadal, a comisión de festas Carme dos Pincheiros organiza unha xornada de portas abertas para visitar aos xigantes e cabezudos que cada mes de agosto percorren diversos emprazamentos do municipio pobrense alegrándoos coa súa música e baile.
As visitas empezaron o 21 e 22 de decembro, continuando desde este xoves 26 ata o sábado 28, en horario de 17.00 a 19.30 horas, e o domingo 29, de 12.00 a 13.30 horas.
A actividade está dirixida a tódolos públicos, debendo acudir os menores de idade acompañados dunha persoa adulta. Ademais, haberá algunha sorpresa.
