O Museo do Gravado de Artes (Ribeira) vai poñer o foco estes días nunha das súas grandes liñas de actividade, alén da expositiva: o labor formativo. Segundo informou, a longo desta fin de semana (dende o venres 13 até o domingo 15) vai organizar o curso O Gravado V33, impartindo novamente por dun dos principais e máis prestixiosos colaboradores do museo: o catedrático da Universidade de Salamanca, José Fuentes Esteve, que estará acompañado no seu cometido polo artista Antonio Navarro.
O obxectivo da fundación con esta nova actividade é contribuír ao 140 aniversario da publicación do poemario Aires da miña terra, de Manuel Curros Enríquez. Para isto, o museo realizará unha exposición e editará o ano vindeiro un volume ilustrado da devandita obra literaria capital da nosa cultura. As e os participantes no curso que se vai celebrar estes días colaborarán na exposición e na ilustración do volume coas obras realizadas no obradoiro de gravado. O horario da actividade será o seguinte:
· Venres, 13 de decembro 2019: de 16.00 a 20.00 h
· Sábado, 14 de decembro 2019: de 10.00 a 14.00 h. e de 16.00 a 20.00 h
· Domingo, 15 de decembro de 2019: de 10.00 a 14.00 h
O domingo, día 15 de decembro, ás 14.00 h entregaranse os diplomas deste curso e poderá verse o resultado do mesmo. Os diplomas serán entregados polo presidente da Fundación Museo de Artes do Gravado e alcalde de Ribeira, Manuel Ruíz Rivas.