A entidade recreativa e cultural do Liceo Marítimo de Ribeira vén de anunciar dúas importantes novidades para os días vindeiros: unha de tipo de festivo e outra de natureza organizativa. En primeiro lugar, o Liceo Marítimo fai saber que este día de Reis, o luns 6 de xaneiro, vaise celebrar un baile de maiores amenizado polo cuarteto Arena. A actuación está previsto que comece arredor das 20.30 horas. A entrada será de balde para todas as persoas socias. Ademais da cita festiva de Reis, o Liceo ten previsto realizar o día 19 a súa asemblea xeral ordinaria.
A devandita xuntanza da xunta directiva e a comunidade de socios está prevista para o da 19 do mes vindeiro a partir das 12.00 mediodía. Na reunión está programado tratar as seguintes cuestións: o estado de contas da entidade e os informes da presidencia e da xunta directiva. Tamén está previsto que se leven a cabo os procedementos para elixir o novo presidente. Logo celebrarase a habitual sesión de rogos e preguntas.
