Licitada a pavimentación de dous camiños en Oleiros

26 Decembro 2019

Unha nova actuación no concello de Ribeira permitirá a pavimentación de dous camiños situados na parroquia de Oleiros, concretamente o do lugar de Sancortes e o que desemboca no cemiterio da referida localidade.

Desde o Concello manifestan que ambos posúen un firme de aglomerado asfáltico bastante deteriorado nalgúns tramos, polo que se considerou a conveniencia de executar esta obra coa fin de mellorar os seus firmes cunha nova pavimentación.

Así, no que se refire ao camiño de Sancortes, aplicarase unha capa de mestura bituminosa en quente de 5 centímetros na calzada -980 metros cadrados-, previa limpeza das marxes, acondicionamento da superficie e extensión de zahorra artificial nos sobreanchos.

Polo que respecta ao camiño do cemiterio, a mestura de bituminosa en quente a aplicar é de 6 centímetros de espesor nunha superficie de 2.147 metros cadrados. Tamén se procederá con antelación á limpeza das marxes, adecuarase a superficie e botarase zahorra artificial nos sobreanchos.

O importe desta intervención ascende a 46.587’89 euros, IVE incluído, financiados no marco do Plan Provincial de Cooperación ás Obras e Servizos de Competencia Municipal (Plan Único de Concellos) POS+2018; e o prazo de execución son dous meses.

As empresas interesadas en presentar ofertas dispoñen ata a medianoite do 9 de xaneiro de 2020 a través da Sistema de Licitación Electrónica da Xunta de Galicia (SILEX).

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión