O mércores Galicia estará baixo os efectos dunha profunda borrasca denominada Elsa, situada ao oeste de Irlanda. Así, os ceos estarán cubertos con precipitacións intensas, localmente treboentas, que comezarán polo oeste da Comunidade pola mañá, estendéndose a todo o territorio xa pola tarde. As temperaturas ascenderán de xeito notable. O vento soprará forte do suroeste, con refachos moi fortes no litoral e zonas altas do interior.
Mar: Aviso laranxa desde as 3 da madrugada ata as 18 horas deste mércores. Vento do sur con intervalos de forza 8. (Meteogalicia).
