Este xoves reactívase a alerta laranxa no mar por temporal e ondas de 7 metros

11 Decembro 2019

Malia que hoxe pola mañá foi unha mañá relativamente tranquila en termos climáticos, todo apunta a que o tempo vaise complicar este xoves, coa entrada dunha fronte e dun novo temporal costeiro que vai afectar a todo o litoral galego, primeiramente á Coruña e Lugo e logo tamén a Pontevedra. A peor parte, como de costume, levarana as contornas máis expostas ao suroeste (pola mañá) e aos ventos do oeste (pola tarde e noite). As ondas poderán chegar ata os 7 metros (mar combinada do noroeste), tendo especial incidencia na Costa da Morte e, como vén sendo costume, no litoral máis externo de Barbanza. A Xunta decretou a alerta laranxa por chuvias no interior e temporal costeiro en toda franxa marítima.

A Dirección Xeral de Emerxencias e Interior da Vicepresidencia aconsella este xoves a suspensión das actividades pesqueiras e marisqueiras como “medida preventiva naquelas zonas máis perigosas, así como extremar as medidas de seguridade”. Tamén se recomenda a interrupción das actividades de lecer e que fiquemos lonxe da liña de costa e das praias e paseos marítimos co “fin de previr un eventual golpe de mar que poida arrastrar persoas ou obxectos”. Polo tanto, é preciso que evitemos achegarnos a diques, rompentes, espigóns, peiraos e todas aquelas zonas que poidan ser varridas polo mar e vixiar posíbeis caídas de obxectos de balcóns e xanelas.

Para información máis actualizada e completa podemos visitar a páxina web do CIAE 112 (www.axega112.gal) , que conta con información meteorolóxica e con ligazóns de interese.

Outros artigos

Ambar organiza unhas xornadas deemprego en Ribeira e Rianxo

A Asociación Ambar das Persoas con Diversidade Funcional organiza este mes de xuño unha actividade para romper barreiras en materia de emprego e igualdade: as Xornadas de Emprego dirixidas a mulleres con diversidade funcional. Desenvolveranse nos concellos de Ribeira...

+

Martes con sol e lixeira baixa das temperaturas

O martes o anticiclón retírase cara ao oeste, polo que se irá perdendo o réxime de ventos do nordés e entrarán ventos máis húmidos de compoñente oeste. Asi comezaremos a xornada cos ceos pouco nubrados ou despexados. A partir do mediodía entrarán as brétemas costeiras...

+

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...