Entregados os premios Barbantia 2019

O pintor ribeirense Xoán Fernández pola súa Traxectoria Cultural, o local boirense “A Pousada dá Galiza Imaxinaria” pola Iniciativa Cultural e a xornalista e poetisa noiesa, Ana Romaní Blanco polo seu labor en pro da Cultura Galega, recibiron este mediodia os galardóns da XIII Edición Premios Barbantia da Cultura Galega. A actriz rianxeira Esther F. Carrodeguas foi a encargada de presentar este sábado, na casa de cultura de Boiro o acto de entrega dos premios, que fai o colectivo do mesmo nome. Durante o acto houbo unha intervención musical a cargo de membros da Banda Municipal de Boiro e participaron entre outras autoridades, o director xeral de Políticas Culturais, Anxo Lorenzo; o secretario xeral de Normalización Lingüística, Valentín García; e a presidenta do Consello da Cultura Galega, Rosario Álvarez.