O Espazo Xuvenil situado no primeiro andar do mercado municipal de Ribeira dará cabida as próximas tres fins de semana a diversos obradoiros creativos de artes plásticas que teñen como nexo común o Nadal.
Así, entre as accións que se realizarán figuran temáticas vinculadas coa caligrafía (decoración do cristal do Espazo Xuvenil por medio de dúas técnicas: cal e cintas de cores), postais e selos (realización de postais creativas coa utilización de selos feitos pola rapazada), ornamentos de madeira (creación e decoración de bolas de árbore de Nadal feitas con madeira), e outros talleres express a base de chapas, coxíns, centros de mesa creativos, fotóforos, etcétera.
Estas accións desenvolveranse, en horario de 17.00 a 21.00 horas, entre os días 20, 21, 22, 27, 28 e 29 de decembro, así como 3, 4 e 5 de xaneiro. Ademais, correrán a cargo de Paula López, coñecida creadora afincada en Ribeira como Paulova, e mais Bernardo Paz Codesido.
Cómpre lembrar que tódalas actividades son gratuítas e que o Espazo Xuvenil está dirixido á mocidade de entre 14 e 19 anos.
