Detido un ribeirense como presunto autor dun delito de tráfico de drogas

05 Decembro 2019
Cedida pola Policía Nacional

Axentes da Policía Nacional adscritos á comisaría de Ribeira procederon á detención dun varón de 21 anos e natural de Ribeira como presunto autor dun delito contra a saúde pública na súa modalidade de tráfico de drogas.

Cando os axentes policiais actuantes se atopaban realizando un dispositivo establecido ao efecto para a prevención do tráfico de drogas na localidade ribeirense, observaron como un varón levou a cabo a venta de varias doses de substancia estupefaciente a dúas persoas.

Ante isto, os policías procederon á identificación dos individuos referidos, localizándolle ao vendedor entre as súas pertenencias 43 bolsiñas termo seladas con cocaína, 28 bolsiñas termo seladas con heroína, 1 bolsa con marihuana, un anaco de haxix, así como 76 euros en efectivo en billetes de distinto valor, un terminal telefónico e diversos efectos para ocultar as substancias mencionadas.

Ao detido cónstanlle antecedentes policiais por feitos similares. Tras tramitarse as correspondentes dilixencias policiais foi posto a disposición da autoridade xudicial.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...