A adxudicación dunha nova actuación permitirá a pavimentación de sete camiños situados no lugar dos Areeiros, no concello de Ribeira.
As vías están emprazadas nas inmediacións da estrada DP-7307 que une Ribeira e Aguiño ao seu paso pola parroquia de Castiñeiras e, aínda que presentan un firme de aglomerado, atópanse en mal estado.
Con tal motivo, estenderase nos cinco camiños (de 132, 12, 24, 37, 29, 54 e 70 metros de lonxitude) unha mestura bituminosa en quente de 6 centímetros de espesor. As tapas e rexillas serán recrecidas ata a nova cota.
A obra foi adxudicada á empresa Nemesio Ordóñez, S.A., supoñendo un investimento de 22.958 euros e o prazo de execución é dun mes e medio.
