Adornos e plantas, doces, artesanía, xoias e libros integran os 16 postos do mercadiño de Nadal que abriu esta tarde na Porta do Sol en Ribeira. A iniciativa completase cun espazo dedicado ós máis pequenos e un obradoiro de grilandas para todos os públicos.
A particularidade deste mercado é que o contido dos expositores cambiará dentro dunha semana, para ofrecer así unha maior variedade de produtos ao público. A zona de vendas permanecerá aberta ata o 5 de xaneiro, aínda que non funcionará nin o día de Nadal nin o de Ano Novo. O horario será de 11.00 a 14.00 horas e entre as 16.00 e as 21.00 horas.
Polas mañas desde as 11.30 e ata as 13.30 haberá un espazo infantil, onde os nenos terán ocasión de sumarse a talleres de confección de adornos típicos destas datas. As pezas serán realizadas con materiais naturais e de reciclaxe. Con motivo da apertura esta tarde contarase cun taller de elaboración de grilandas do Nadal, ao que poderán sumarse veciños de todas as idades. O próximo día 28, ás 18.00, haberá unha sesión formativa a cargo da nutricionista Laura Rial tamén dirixida ao público en xeral. A ponente dará as claves para cociñar un menú saudable a noite de Fin de Ano.
