O Nadal boirense suma unha nova xuntanza folclórica: o VII Festival Abeloura. Este evento arrancará a partir das 18.00 horas do sábado 28 cos pasarrúas pola rúa peonil de Boiro. A continuación, desenvolverase o propio festival, ás 18.30 horas, na Casa da Cultura Ramón Martínez López.
Así, contará con actuacións de música e baile tradicional galegos a cargo de Os Centenarios (Louro), As Patronas e Galanciños da Asociación Amas de Casa-Hórreo (Mazaricos), Nunca é Tarde (Boiro) e AMBT Abeloura (Cespón, Boiro).
Ademais, sortearanse entre os asistentes numerosos agasallos doados por establecementos locais.
