O pobrense Auditorio do Museo Valle-Inclán será escenario a partir das 19.00 horas de hoxe, venres 13, do Ciclo Etnográfico de Cinema Galego. Esta cita consta dunha serie de curtametraxes, de 50 minutos de duración en total. Así, proxectaranse Rapa das Bestas, deJaione Camborda; O fareiro de Sálvora, de Gloria Vilches; Toxos e flores, de Lucía Vilela; Homes, de Diana Toucedo; e Ser e voltar, de Xacio Baño. A continuación, visionarase a longametraxe Os fillos da vide, de Ana Domínguez, cunha duración de 70 minutos.
A entrada é libre ata completar a capacidade. Organizan o Servizo de Normalización Lingüística do Concello da Pobra do Caramiñal (SNL) e a Deputación da Coruña, financiadora da iniciativa.
