A Área de Cultura do Concello de Rianxo está a informar á cidadanía sobre unha importante partida de axudas a iniciativas culturais que se celebren o ano vindeiro, a partir do 1 de maio (e até o 30 de abril de 2021), ao abeiro do programa O Teu Xacebo da Axencia de Turismo de Galicia. Trátase do financiamento que achega a Xunta para proxectos que promovan e dinamicen Galicia e os concellos co gallo do Ano Xanto Xacobeo 2021.
Cultura de Rianxo lembra que unha das liñas das axudas (abertas até o 30 de decembro) irá destinada a entidades públicas e privadas sen ánimo de lucro, subvencionando até un máximo do 90% dos orzamentos (até 20.000 euros) das súas iniciativas, que deberán promover e potenciar Galicia así como fortalecer a dimensión internacional do Camiño de Santiago e a propia Comunidade.
Estas iniciativas poderán ser as que citamos a continuación: exposicións, mostras, intervencións, exhibicións, concertos, feiras e festivais, publicacións, creacións audiovisuais, obradoiros, xornadas de formación, conferencias, charlas, encontros, foros, actividades deportivas dirixidas, torneos, mostras gastronómicas, catas e degustacións, actividades de formación e intercambio, e outras.
O prazo de presentación remata o vindeiro luns 30 de decembro. Quen queira máis información das bases e os procedementos a seguir pode recadar datos na ligazón específica habilitada. Amais, a Área de Cultura do Concello de Rianxo ponse a disposición da veciñanza que requira datos máis polo miúdo.