O Centro Social de Boiro dará cabida o venres 15, ás 20.30 horas, á presentación do libro Baixo o signo da bipolaridade. A poesía de María Mariño Carou, de Xosé Luís Sánchez Ferraces.
Trátase dunha monografía a través da que entender á muller que se fixo poeta nas terras do Courel, onde, durante vinte anos, soportou as súas depresións, as cales se converteron en materia dos seus escritos.
O acto estará presentado por Xosé Deira Triñanes e contará coas intervencións do propio autor da publicación, Xosé Luís Sánchez Ferraces; do psiquiatra Fidel Vidal; de Arturo Ponte, da Editorial Galaxia; e do alcalde de Boiro, José Ramón Romero.
