A Plataforma Stop Desahucios Barbanza acaba de dar a coñecer que dúas familias de Ribeira, tanto os titulares do préstamo hipotecario coma os avalistas, quedan nas súas vivendas ante o auto xudicial favorable do Xulgado de Primeira Instancia e Instrución Número 1 de Noia pola interposición dunha execución hipotecaria por parte do Banco de Caja España de Inversiones, Salamanca y Soria.
A familia estivo defendida pola avogada noiesa Eva Castro Blanco e interpúxose no seu momento o escrito de oposición á demanda do banco xunto co informe pericial do economista Julio César Calvo. Agora, o referido xulgado falla un auto a favor da familia, declarando a nulidade e o sobresemento da execución hipotecaria, coa imposición das costas xudiciais xeradas para a propia entidade financeira.
Por todo isto, a familia poderá continuar residindo na vivenda habitual, ademais de que os avalistas non perderán a vivenda posta como garantía.
