Seguimos en alerta vermella na costa até mañá

14 Novembro 2019

A borrasca que entrou onte pola noite está a xerar o que se esperaba: frío, episodios fortes de chuvia, saraiba, ondas de máis de dez metros no mar, ventos de forza 9 con perigosos refachos e múltiples incidencias nunha manchea de concellos, con especial incidencia nos concellos litorais, aínda que tamén en concellos interiores. Segundo detalla neste intre a axencia autonómica AXEGA (Emerxencias de Galicia), segue en alerta vermella (até mañá, que pasaremos a nivel laranxa) todo o litoral galego. Mentres se escribía este artigo xa foran contabilizadas dende o CIAE máis de 700 incidencias por mor do temporal: dende caídas de árbores até accidentes de tráfico por mor dunhas condicións climáticas especialmente adversas.

Por provincias, a da Coruña foi a mais afectada con 441 incidentes rexistrados, a de Pontevedra con 190, seguida a de Lugo con 56 incidencias e por último a de Ourense con 30 incidentes rexistrados.

Cómpre sinalar que as tipoloxías que mais se repetiron foron a de caídas de árbores e polas nas estradas (399), as de prevención de risco (97), as de danos por meteoroloxía adversa (54) e por último 9 incidencias rexistradas por mor da neve. En ningunha das incidencias houbo que lamentar danos persoais.

Amais de todo o devandito, tamén houbo treboadas, lóstregos (máis de medio cento contabilizados) e unha manchea de caídas de luz en múltiples localidades, con especial incidencia na Coruña, en Santiago e no sur de Pontevedra.

A borrasca seguirá a afectarnos este venres, aínda que con menor incidencia. O sábado será un día de transición. Iso si, as temperaturas seguirán sendo frías.

Ventos de 110 quilómetros por hora

Hoxe, por mor do temporal, estanse a acadar ventos do noroeste que están a superar os 100 quilómetros por hora en case toda provincia de A Coruña, incluída a comarca do Barbanza e a contorna das Rías Baixas en Pontevedra. No resto da Comunidade os refachos de vento están a acadar os 90 Km/h (nivel amarelo).

Consellos

Por mor do temporal, aconséllase a suspensión das actividades pesqueiras e marisqueiras como “medida preventiva naquelas zonas máis perigosas”. Unha recomendación que é extensíbel á pesca deportiva e a outras actividades deportivas no mar. A Dirección Xeral tamén insta a extremar as medidas de seguridade á hora de realizar calquera outro tipo de actividade no mar e que “se revisen os cabos e amarres das embarcacións”. Ademais, aconséllase consultar a páxina web do CAE 112 (www.112galicia.org), que conta con información meteorolóxica e con ligazóns de interese.

Outros artigos

Galicia Rompe despediuse con éxito de participación

Durante tres días, Porto do Son transformouse nun escenario para algúns dous deportes urbanos máis espectaculares. Esta oferta deportiva combinouse cun programa musical que atraeu a multitude de mozos ao municipio. O conselleiro de Cultura, José López Campos, foi ou...

+

Publicidade

Revista en papel

Opinión

“Cuando el payaso llora” – Manuel Domínguez

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...

“Igualdade e dignidade”. Luís Celeiro

“Igualdade e dignidade”. Luís Celeiro

A moitos dos que andan polas alturas da función ou da acción política gústalles falar dorespecto á vontade popular, á que a mesma Constitución de 1978 alude no seu Preámbulo,cando fala de “consolidar un Estado de Dereito que asegure o imperio da lei como expresiónda...