Cedida por PSdeG-PSOE de Ribeira 
Cedida por PSdeG-PSOE de Ribeira
O grupo municipal do PSdeG-PSOE ribeirense levará a pleno dúas cuestións sobre a situación de varias estruturas no concello.
Segundo sosteñen os socialistas, os postes da pérgola da praza do Concello necesitan unha “actuación urxente, ou doutra maneira irremediablemente romperase.” Neste senso, manifestan que, debido á estanquidade da peza metálica na base, “a auga enchoupa a madeira e podrece, habería que deixar un espazo, uns buracos na base metálica para que a auga saíra, e a madeira puidera secarse, e así non podrecer.”
Engaden que se produce unha situación semellante en varios postes de madeira do alumeado público no lugar da Perdigoteira, na parroquia de Artes.
Por todo isto, farán as seguintes preguntas: “1. Sr. Alcalde, porqué non se fai un labor de mantemento axeitado, para que estas estruturas sigan cumprindo a súa misión? 2. No caso contrario calquera día teremos que lamentar algún incidente inadecuado.”
