O XXX Campionato de Galicia de Marcha en Pista chega á Pobra

20 Novembro 2019

O Concello da Pobra do Caramiñal e a Asociación de Atletismo e Deportes do Barbanza, co control técnico do Comité Galego de Xuíces da FGA, organizarán un control federado de marcas o sábado 23 paralelamente á celebración do XXX Campionato de Galicia de Marcha en Pista no estadio de A Alta. Así o deron a coñecer esta mañá a concelleira de Deportes, Genoveva Hermo; a presidente da Asociación de Atletismo e Deportes do Barbanza, José Moure; e o responsable técnico da Federación Galega de Atletismo, Carlos Morales.

A edil manifestou que agardan que sexa “un acontecemento deportivo do interese da xente en xeral e un acontecemento de primeira orde, posto que é o Campionato de Galicia.”

Na súa intervención, Carlos Morales precisou que haberá ao redor de 120 participantes, desde as categorías Sub 10 a Máster. Tamén anunciou que participarán os dous favoritos, Antía e Daniel Chamosa Dacasa, tendo rivais como a Iván Morales ou Iria Rivas, entre outros. Outra das participantes será a atleta local Celia Carracedo, concretamente na modalidade Sub 20. Así mesmo, puntualizou que, nos últimos cinco anos, A Pobra acolle o segundo Campionato de Galicia de Marcha en Pista, ademais de realizarse tres Campionatos de Galicia de Marcha en Ruta.

Pola súa parte, José Moure detallou os horarios e sinalou que se procederá á entrega de medallas ao redor das 13.45 horas.

O programa de probas é o que segue: ás 11.00 horas terá lugar o salto de lonxitude Sub 10, Sub 12 e Sub 14 feminino (Foso 1); ás 11.05 horas será a ocasión do salto de lonxitude Sub 10, Sub 12 e Sub 14 masculino (Foso 2); e ás 12.30 horas desenvolverase o salto triplo Sub 14 e Sub 16 mixto.

O horario e distancias do Campionato é: ás 10.45 horas os 1.000 metros de Sub 10 homes e mulleres; ás 10.55 horas os 2.000 metros de Sub 12 mulleres; ás 11.15 horas os 2.000 metros de Sub 12 homes; ás 11.35 horas os 2.000 metros de Sub 14 mulleres; ás 11.55 horas os 2.000 metros de Sub 14 homes; ás 12.15 horas os 3.000 metros de Sub 16 mulleres; ás 12.40 horas os 5.000 metros de Sub 16, Sub 18, Sub 20, Sub 23, Sénior e Máster homes; e ás 13.15 horas os 5.000 metros de Sub 18, Sub 20, Sub 23, Sénior e Máster mulleres.

Outros artigos

A Pobra dará a benvida ao Nadal no 2 de decembro

O prendido das luces e máis a inauguración do belén municipal marcarán o inicio do Nadal na Pobra do Caramiñal neste 2 de decembro. O acto terá lugar na praza Alcalde Segundo Durán, ás 18.00 horas, cando se ilumine a árbore alí situada e os Xardíns de Valle-Inclán,...

+

A Pobra condenou a violencia machista neste 25-N

Xornada de reflexión, sensibilización e reivindicación. A Pobra do Caramiñal condenou as actitudes machistas neste 25 de novembro, Día Internacional da Eliminación da Violencia contra a Muller, cos actos centrais que marcaron o punto final á programación da campaña...

+

Publicidade

Revista en papel

Opinión

“Villa de Pitanxo: quen minte aquí, señoría?”. Antón Luaces

“Villa de Pitanxo: quen minte aquí, señoría?”. Antón Luaces

Case que dous anos despois do naufraxio en Terranova do arrastreiro de Marín "Villa de Pitanxo", seguen as contradicións nas declaracións do patrón e un sobriño deste, as da casa armadora Nores, e un mariñeiro ghanés, tripulante do buque afundido a cuxas teses se...