O grupo municipal do PBBI levará a pleno unha solicitude para a colocación dalgún punto de luz na rúa que vai ao polideportivo Alcalde Torres Colomer, na parroquia ribeirense de Palmeira.
O motivo desta petición fundaméntase en que na citada vía non hai iluminación, “polo que agora neste tempo, ás 18.00 horas xa é de noite, isto leva a que pais e nais dos nenos e nenas que acoden a dito polideportivo, se atopen preocupados xa que nos tempos en que estamos é normal que teñan medo de que as súas fill@s veñan andando con tanta escuridade.”
