O grupo municipal do PBBI levará a pleno unha solicitude para a limpeza do lavadoiro e fonte situados no lugar de Gude, na parroquia ribeirense de Artes, manifestando que “levan sen limpar bastante tempo e en estado de abandono total”. O partido engade que a cantidade de lodo presente indica “a desidia por manter dito lavadoiro nas debidas condicióna hixiénico-sanitarias.”
Así mesmo, a formación require a limpeza da pista que une a igrexa da referida parroquia co Barreiro, mencionando “o abandono e falta de desbroce nas marxes.”