Con motivo do Día Mundial da Diabetes, o Hospital da Barbanza dispón na entrada do centro, desde primeira hora da mañá, dunha mesa informativa do Servizo de Endocrinoloxía, atendida por tres enfermeiras e unha doutora, especialistas en diabetes. Tamén hai voluntarios da Asociación de Nenas, Nenos e Xente Nova con Diabetes de Galicia (ANEDIA). Segundo apunta o Servizo Galego de Saúde (Sergas), trátase dunha doenza que afecta ao 13’8% da poboación, aínda que a metade non o sabe.
Nesta xornada, ademais de ofrecerlle información ao usuario interesado sobre prevención e educación, realízanse controis de glucemia, medición da tensión e un test para calcular o risco de desenvolver diabetes nos próximos 10 anos.
As persoas interesadas poden achegarse á mesa informativa situada no hospital.
