Tras o seu paso por Rianxo, a mestura de comedia e teatro chega o venres 22, ás 21.00 horas, á Casa da Cultura de Boiro da man de Pedro Brandariz, Fran Rei e Isabel Risco, de Culturactiva, con Papar sen cancelas. Trátase dun delicioso espectáculo onde o público terá a ocasión de deleitarse cunha exquisita selección gourmet dos mellores pratos da nosa lingua. Os asistentes poderán presenciar as artes para a cociña cómica de tres chefs preparando o menú para personaxes entre o máis distinguido do panorama galego actual.