O BNG demanda mellorar o alumeado na rúa de Lugo

27 Novembro 2019

O Bloque Nacionalista Galego de Ribeira vén de rexistrar unha petición, a través do seu voceiro, Xosé Vázquez Cobas, na que solicitan a mellora da iluminación da rúa de Lugo, que é a que comprende entre a praza do Concello e a rúa Cristóbal Colón, xa no barrio do Monumento. A orixe desta petición está nas demandas dos comerciantes da contorna, que lle trasladaron a Vázquez Cobas a necesidade de optimizar o alumeado da vía, xa que, cando escurece, non presenta boa visibilidade. Ante esta situación, Vázquez insta ao Goberno local a s”olucionar as carencias que ten a iluminación en moitos puntos do municipio, e concretamente esixe unha rápida solucións para o mencionado caso”.

O BNG lembra que a rúa de Lugo, recentemente humanizada, “non conta con ningún farol en toda a marxe esquerda en dirección ascendente polo que hai certa sensación de inseguridade” e, segundo o nacionalista “isto favorece o traballo dos ladróns que tanta actividade están tendo nas últimas semanas”. Para o BNG a mellora da iluminación “tamén redundará na mellora da seguridade para a veciñanza e para os locais comerciais, polo que debe ser tomado como un tema prioritario”.

Outros artigos

Cáritas Ribeira segue coa recollida solidaria de alimentos

Cáritas Ribeira segue coa recollida de alimentos que durará todo o mes, excepto Gadis que o fará ata o día 16 pero actualmente en trámites de ampliación. Cáritas Ribeira segue coa recollida de alimentos, unha campaña que durará todo o mes. A organización busca axudar...

+

Ribeira acolle o evento deportivo Nada e Corre este 10 de decembro

O evento deportivo Nada e Corre, que consistirá nunha proba de natación e outra de carreira, terá lugar este domingo 10 de decembro do 2023 a partir das 10:00 no Complexo Deportivo Municipal A Fieiteira. Na proba poderán participar as categorías dende prebenxamín ata...

+

Publicidade

Revista en papel

Opinión