A asociación Mulleres en Acción, en colaboración coa Comisión pola Recuperación da Memoria Histórica do Barbanza e Amnistía Internacional, organiza unha serie de actos para o 25 de novembro, Día Internacional da Eliminación da Violencia contra a Muller.
Así, a ribeirense praza do Concello será escenario na xornada do luns, ás 20.00 horas, dun acto en memoria das vítimas de violencia machista.
A continuación, o Centro Cultural Lustres Rivas acollerá, ás 21.00 horas, a presentación do caderno número 5 dos Episodios Republicanos Barbanzáns. A cita será conducida por José Antonio Pérez Fernández e contará coa actuación de Barahúnda.
