María Vilas, a nadadora de Castiñeiras, vén de sumar esta finde uno novo e importante éxito á súa longa serie de fitos deportivos. Estamos a falar da obtención do título de campioa de España no marco do campionato estatal de natación que se celebrou até onte domingo en Xixón. María Vilas subiuse ao podio na compaña da súa compañeira de equipo, a pontevedresa Bea Gómez Cortés, membro do Club Natación Galaico (CN Galaico), que se proclamou subcampioa.
As dúas quedaron primeira e segunda (respectivamente) na proba dos 800 metros libres: María Vilas cun tempo de 8:25.47 e Bea Gómez cunha marca de 8:31.09. Estes dous importantes fitos deportivos en cadanseus currículos, cos que obteñen mínimas para os campionato europeo de piscina corta que se vai celebrar este mesmo ano en Glasgow (Escocia), súmanse ás medallas que lograron este mesmo venres, cando Vilas acadou a prata (cun tempo de 4:38.55) e Gómez o bronce (4:39.2) cunha marca de na proba dos 400 metros estilos.
O LXIII Campionato de España Astralpool de Natación de Inverno celebrouse en Xixón até este domingo 17 de xaneiro nas dependencias do CN Santa Olaya.
