O profesor Xabier López Marqués impartiu na tarde de onte unha conferencia no Centro Cultural Lustres Rivas de Ribeira sobre tódolos escritores en lingua castelá que foron distinguidos cos premios Nobel de Literatura, tanto os orixinarios de España (José Echegaray, Jacinto Benavente, Juan Ramón Jiménez, Vicente Aleixandre e Camilo José Cela) coma os oriúndos dos distintos países de Latinoamérica (Gabriela Mistral, Miguel Ángel Asturias, Pablo Neruda, Gabriel García Márquez, Octavio Paz e Mario Vargas Llosa).
O coloquio enmarcouse na mostra que, sobre a mesma temática, estivo a ser exhibida durante o mes de outubro na Biblioteca municipal coa fin de dar difusión á súa obra con motivo do trixésimo aniversario da concesión do Nobel ao galego Camilo José Cela.
