Lolita Moda, distinguida nos Ecommerce Awards Galicia 2019

20 Novembro 2019


Pablo Hermo Villar, de Lolita Moda, recollendo o galardón

O pasado 14 de novembro, coa participación duns 200 profesionais, celebrouse a parada galega segunda edición da xira estatal Ecommerce Tour, un programa itinerante de mesas redondas, relatorios e premios destinados a pór de relevo a importancia de facer innovar os nosos negocios e adaptalos ás esixencias e vantaxes do mundo dixital. A cita coruñesa, que se celebrou en PALEXCO, puxo o foco no sector da moda. Ao fío disto, houbo presentacións de proxectos e, tamén, recoñecementos: distinguiuse a Lolita Moda, Soloimprenta e A&B Shop como as mellores tendas online galegas na II Edición dos Premios Ecommerce Tour Awards Galicia.

O primeiro premio foi para Lolita Moda, histórica empresa familiar creada en Noia, no 1960, da man de Dolores González e Mario Hermo e hoxe en un auténtico referente en transformación dixital dos sectores máis tradicionais. Lolita Moda, que ten unha notábel presenza no Barbanza (con grandes e céntricas tendas en Noia, Ribeira e Boiro, aínda que tamén en Pontevedra e Bertamiráns), foi distinguida nos Premios Ecommerce pola súa “dedicación ao traballo, pola calidade dos seus produtos, polo seu servizo de atención ao cliente e pola innovación e funcionalidade das súas tendas”, uns ingredientes que, en opinión do xurado “fixeron posíbel que sexa un referente no sector téxtil” e, tamén, na integración no mundo tecnolóxico, cunha tenda online propia achegada en media ducia de idiomas e cunha ampla presenza nas redes.

O segundo foi para Soloimprenta, un ecommerce galego creado hai sete anos que, en palabras do xurado, foi quen de situarse dende os seus inicios como “unha das compañías emblemáticas do seu sector, baseándose nos principios e valores do bo comercial: seriedade, trato próximo, personalizado e que pensa 100% no cliente”.

O terceiro premio foi concedido a A&B Shop, tenda de roupa de venda lowcost, en liña, onde podemos mercar conxuntos para vestir todos os integrantes dunha familia coa vantaxe (e co engadido extra) de facelo todas e todos dun xeito semellante e distinguíbel.

No transcurso da xornada tamén se puxo o foco na capacidade innovadora Minimalism Brand, Coosy ou Fuikaomar.es. Amais, déronse a coñecer as últimas novidades en vendas en Internet, loxística, transformación dixital, email mercadotecnia e omnicanle. A empresa encargada da organización (da parada coruñesa e da xira estatal) é Ecommerce News. O evento contou co patrocinio de BBVA, WebLoyalty, Sabadell, Don Dominio, Fotografía eCommerce, Retail Rocket e Vino Premier.

Outros artigos

“Derechos”. Roberto Carlos Mirás

Dentro de unos días todos los españoles tendrán la oportunidad de cambiar de Gobierno y que éste sea mucho mejor que el anterior. El Gobierno de Pedro Sánchez ha estado rodeado de múltiples investigaciones tanto a nivel personal como el de un presidente que prometió...

+

“Manuel ¿para qué sirve la música?”. Manuel Dominguez III

Manuel ¿para qué sirve la música? ¿Te podrías imaginar un mundo, la vida sin música, podrías vivir en ese mundo? Te imaginas ir al campo, y que faltase ese cantar del Mirlo o del Jilguero, que el silencioso fuese, tal silencio que hasta faltase el ulular del viento....

+

Publicidade

Revista en papel

Opinión

“Rairiz de Veiga” – Xosé González Martínez

“Rairiz de Veiga” – Xosé González Martínez

O próximo día 25, despois da misa dominical, ás 11.30 horas, celebrarase na parroquia de Rairiz de Veiga, do homónimo concello ourensán da Limia, un acto promovido pola Asociación de Funcionarios-as para a Normalización Lingüística encadrado na iniciativa En galego,...

“Pensando nun futuro mellor”. Luís Celeiro

“Pensando nun futuro mellor”. Luís Celeiro

“O mellor está por chegar” é unha expresión que se lle atribúe a aquel recoñecido poeta inglés,Robert Browning (1812-1889), que tantas veces reflexionou sobre o sentido da vida, o paso dotempo e a vellez das persoas e das cousas. Sobre a esperanza no futuro, que vén...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.