José Fuentes, experto en técnicas avanzadas de gravado, achega un novo obradoiro no Museo de Artes

José Fuentes nunha entrevista recente para a televisión local de Salamanca

O Museo do Gravado de Artes (Ribeira) vén de anunciar a celebración dunha actividade formativa que, do mesmo xeito que o propio espazo expositivo ribeirense, ten o valor engadido de ser unha experiencia artística única e singular na comarca e en Galicia. Trátase do Curso de Gravado V33, que estará dirixido polo prestixioso profesor José Fuentes (Universidade de Salamanca) e que contará tamén coa presenza do experto Antonio Navarro (Fuentes e Navarro serán os encargados de impartir a actividade).

O gravado V33, para quen non o saiba, é un técnica-sistema concibida polo devandito experto que implica o emprego de carburo de silicio ou carborundo para a creación das distintas matrices que entran en xogo na obra creadora. Aparte das posibilidades dinámicas e artísticas que pon en xogo esta metodoloxía (abre un amplo abano de combinacións con elementos que non adoitan figurar, a priori, nas obras feitas con gravado), a técnica V33 salienta pola súa capacidade para minimizar esforzos e tempos no proceso creativo. Amais, é un sistema ecolóxico que ten moito potencial para introducirse en espazos pechados.

O curso desenvolveranse en dúas quendas, dunha ducia de alumnos por sesión. A primeira delas realizarase os días 13, 14 e 15 de decembro de 2019 e a segunda sesión os días, 24, 25 e 26 de xaneiro de 2020.

Como dixemos, a persoa encargada de dirixir e impartir o obradoiro será José Fuentes, que, como recordaremos, estivo recentemente no Museo de Artes para iniciar a unha ducia de creadoras e creadores nos segredos do gravado en 3D.